Карпаратыўная тупізна
Як ставяцца да сваёй прысутнасьці ў беларускім інтэрнеце замежныя карпарацыі?

Загадкава, калі шчыра.

Калі паспрабаваць зайсьці на афіцыйны сайт ВТБ24 (былы "Славнефтебанк") - vtb24.by (заўважце беларускі дамэйн!) - то атрымаеш чамусьці англамоўны сайт, на якім, што праўда, можа дабрацца да ўласна беларускай старонкі калі выбраць у правым меню пункт пад дзікай назвай "Belorus". (Тут здымак экрана).

Яшчэ весялей з Microsoft: паспрабуйце на іх сайце знайсьці старонку для беларускіх карыстальнікаў. Або хаця б спасылку на ўкраінскі партал кампаніі, які павінны абслугоўваць і беларусаў. Нічога падобнага! :) Па слове "Беларусь" выдаецца, сярод абвестак пра неактуальныя прома-акцыі, на адным з першых месцаў старонка "Беларускія народныя строі" зь нейкага адукацыйнага раздзела карпаратыўнага сайта зь дзіцячай карцінкай.

Канечне, гэта не параўнаць з феерычна непрафесійнай старонкай Microsoft-България, якую таксама, відаць, даверылі рабіць школьнікам, але ўсё ж...